Bankomatda unudulan pul belə oğurlandı - VİDEO

Tarix: 22 Iyul 2022 20:00

Bankomatda unudulmuş pulun oğurlanması videoya düşüb.

Sonxeber.net bildirir ki, "MVD Media" xəbər verir ki, paytaxtın bank filiallarından birində müşahidə kamerasından qeydə alınan videoyazı Rusiya Daxili İşlər Nazirliyinin Moskva üzrə Baş İdarəsinin ixtiyarına keçib və cinayətdə şübhəli bilinən şəxsin şəxsiyyətini müəyyənləşdirməyə kömək edib.

"Bu faktla bağlı Rusiya Daxili İşlər Nazirliyinin Moskvanın Tverskoy rayonu üzrə istintaqı tərəfindən Rusiya Federasiyası Cinayət Məcəlləsinin 158-ci maddəsinin 3-cü hissəsi ("Oğurluq") ilə cinayət işi başlanıb. Təqsirləndirilən şəxslə bağlı ərazidən getməməsi və düzgün davranışı barədə yazılı vəsatət şəklində həbs-qətimkan tədbiri seçilib", - nazirliyin açıqlamasında bildirilir.

Gənc oğlan külli miqdarda pulun oğurlanması barədə ərizə ilə polisə müraciət edib. Onun sözlərinə görə, bankın Qazetnıy döngə filialında depozit əməliyyatları həyata keçirib. Bir müddət sonra bank kartını orada unutduğunu xatırlayıb, geri qayıdıb. O, ciblərini yoxlamağa başlayıb və bankomata 695 min rubl (11 800 dollar) qoyub. Kartı tapan kişi pulu unudaraq bank filialını tərk edib. Pul yadına düşəndə, kişi qayıdıb, amma pulu tapmayıb.

Tezliklə Rusiya Daxili İşlər Nazirliyinin Moskvanın Tverskoy rayonu üzrə Cinayət Axtarış İdarəsinin əməkdaşları Qranatovı döngəsində oğurluqda şübhəli bilinən şəxsi saxlayıblar. 27 yaşlı qadının gəlmə olduğu ortaya çıxıb. Məlum olub ki, qadın bankomatda unudulmuş pulu taparaq hesabına qoyub və çıxıb gedib.

İrfan Vəliyev