''Atam deyirdi ki, sən kimə lazımsan?''

Tarix: 24 Iyul 2022 14:10

Müğənni Niyam Salami "Həmin Zaur" proqramında qonaq olub.

Sonxeber.net axşam.az-a istinadən bildirir ki, sənətçi verilişdə ailəsindən danışıb. Niyam atasının onun heç vaxt iş sahibi ola bilməyəcəyini düşündüyünü bildirib: 

"Səkkiz uşaq, anam, atam və nənəm süfrə başında əyləşərdik. Kəndimizdə belə adət var idi. Yemək ilk ailə başçısına çəkilirdi. Mən də 8-ci idim, qaçıb otururdum nənəmin yanında ki, yeməyin yaxşı yerindən çatsın. Atam yeməkdən sonra hamını tərifləyərdi. Bizim ailədə hamı savadlı olub. Amma həmin dövrdə çətin olduğuna görə iki bacımı oxumağa qoymayıblar. Növbə mənə çatanda atam deyirdi ki, sən kimə lazımsan? Belini hazırla, get fəhlə işlə. Sən kim olacaqsan? Deyirdim, narahat olma, bamiyə bişirib, səni saxlayaram. Atam Niyam Salami olduğumu görmədi".