Qadının gözündən qurd çıxdı

Tarix: 4 Avqust 2022 17:10

Böyük Britaniyanın Liverpul şəhərində yaşayan 35 yaşlı Luiza Edvardsın gözündən selikli parazit çıxıb.

Sonxeber.net bildirir ki, bu barədə "Metro" məlumat yayıb.

Bir səhər yuxudan duran qadın, sağ gözünün üstündə sızanaq olduğunu düşündüyü şeyi tapıb. Sonrakı bir neçə saat ərzində o, böyüdü və göz qapağı nəzərəçarpacaq dərəcədə şişdi.

Britaniyalı onu bir növ böcək dişlədiyini düşünərək göz klinikasına getməyə qərar verib. "Həkimlər sızanağı çıxarmağa çalışdılar, mənə antibiotik verdilər və evə göndərdilər", - o xatırlayıb.

Ertəsi gün şiddətli şişlik səbəbindən göz açılmadı. Edvards dişlərinə və başına yayılan şiddətli ağrı yaşayıb. Qadın klinikaya qayıdıb və yalnız təyin olunmuş dərmanları qəbul etmək üçün məsləhət alıb.

Edvards problemini qonşusuna danışıb və o, qaynar su ilə "sızanağı" çıxartmağı təklif edib. Britaniyalı bu tövsiyəyə əməl edib və gözünə basaraq, göz qapağının altından nəyinsə süzüldüyünü hiss edib.

"Mən hiss etdim ki, gözümnən bir şey çıxıb. Atamı çağırdım və o dedi ki, bu, ayaqları olan bir növ parazitdir", - Edvards deyib.

Britaniyalı onun gözündə hansı parazitin yerləşdiyini öyrənmək ümidi ilə bir terapevtlə görüş təyin edib.

İrfan Vəliyev