Aktual mövzular: Dollar alış-satışı, Neftin qiyməti, COP29, Hava proqnozu

Sanna Marinin narkotik testinin cavabı açıqlandı

Tarix: 22 Avqust 2022 20:18

Finlandiyanın Baş naziri Sanna Marinin narkotik testi mənfi çıxıb.

Milli.Az "qafqazinfo"ya istinadən xəbər verir ki, bu barədə ölkənin Nazirlər Kabinetinin mətbuat xidməti məlumat yayıb.

Bildirilir ki, analiz üçün pulu Baş nazirin özü şəxsi gəlirlərindən ödəyib.

Sanna Marinlə bağlı qalmaqal onun dostları ilə əyləndiyi ziyafətdən videonun şəbəkədə görünməsindən sonra yaranıb. Marinin davranışı ölkənin baş nazirinə yaraşmayan hesab edilib, lakin o, bunda qınanılası heç nə görmədiyini, çünki "adi həyat sürən adi insanların da əsas dövlət vəzifələrində olduğunu" söyləyib.

Marin daha sonra narkotik istifadəsi ehtimalına dair iddialara cavab olaraq narkotik testi verib.

Milli.Az

Whatsapp ilə göndər