Aktual mövzular: Dollar alış-satışı, Neftin qiyməti, COP29, Hava proqnozu

Prezident seçilərsə, Rusiya ilə Ukrayna arasında sülh yaradacağına söz verdi

Prezident seçilərsə, Rusiya ilə Ukrayna arasında sülh yaradacağına söz verdi

Tarix: 22 Avqust 2022 23:50

Braziliyanın keçmiş Prezidenti, prezidentliyə namizəd Luis İnasiu Lula da Silva bildirib ki, seçkilərdə qalib gəlsə, Rusiya ilə Ukrayna arasındakı qarşıdurmanı həll etmək üçün əlindən gələni edəcək.

Sonxeber.net "qafqazinfo"ya istinadən xəbər verir ki, onun sözlərinə görə, Braziliya onun rəhbərliyi altında "sülhün bərpasına" töhfə verəcək.

"Seçkilərdə qalib gələndə ümid edirəm ki, Rusiya ilə Ukrayna arasında münaqişə bitəcək, o zaman mən daha sakit olacağam. Ancaq bu, bitməsə, əmin ola bilərsiniz ki, Braziliya mümkün olan hər şeyi edəcək, sülhü yenidən bərpa etmək üçün bütün dövlət başçıları ilə danışacaq", - Lula deyib. 

Braziliyanın eks-prezidentinin nöqteyi-nəzərindən, "Ukraynadakı münaqişədə heç kim maraqlı deyil" və onun dayandırılması BMT-nin gücləndirilməsi və təşkilatın Təhlükəsizlik Şurasında islahatların aparılması ilə mümkündür. Onun fikrincə, Braziliya və digər dövlətlər Təhlükəsizlik Şurasına daxil edilməlidir.

"Ümid edirəm ki, Ukrayna və Rusiya hökumətlərinə müdaxilə etməyə çalışmasaq, münaqişə tezliklə bitəcək", - Lula qeyd edib. 


Etiketlər:  Prezident seçilərsə Rusiya ilə Ukrayna arasında sülh yaradacağına söz verdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ