Aktual mövzular: Dollar alış-satışı, Məzənnə, Neftin qiyməti

Yaddaşını itirən Avstraliya sakini yenidən həyat yoldaşına aşiq oldu - FOTO

Tarix: 7 Sentyabr 2022 18:16

Avstraliyanın Kvinslend şəhərindən olan 36 yaşlı Lyuk Bakton 2017-ci ilin mayında qəzaya uğrayıb. Nəticədə yaddaşını itirib.

Milli.Az oxu.az-a istinadən xəbər verir ki, bakton motosiklet sürərkən park edilmiş avtomobilə çırpılıb və ağır kəllə-beyin travması alıb. Ömrünün çox hissəsini unudub, yeriyə bilmir, danışa bilmir. Həmçinin doqquz ay əvvəl evləndiyi həyat yoldaşı Melissanı da tanımırdı.

Altı aydan çox xəstəxanada yatan Bakton ilyarım tibbi reabilitasiyadan keçib. Bütün bu müddət ərzində Melissa Baktonun yanında olub və ona itirdiyi xatirələrini bərpa etməkdə kömək edib. Sonunda Bakton həyat yoldaşına yenidən aşiq olub.

"Düşünürəm ki, biz "kədərdə və sevincdə, xəstəlikdə və sağlamlıqda" deyəndə, həqiqətən, bunu nəzərdə tuturdum. O, mənim ən yaxşı dostumdur, həmişə olub və elə də qalacaq", - deyə qadın bildirib.

Milli.Az