Aktual mövzular: Dollar alış-satışı, Neftin qiyməti, COP29, Hava proqnozu

Ukrayna hərbçilərinin mövqelərindən Xerson şəhərinə 30 km qalıb

Ukrayna hərbçilərinin mövqelərindən Xerson şəhərinə 30 km qalıb

Tarix: 8 Oktyabr 2022 08:44

Ukrayna Silahlı Qüvvələrinin mövqelərindən Rusiyanın işğalı altında olan Xerson şəhərinə 30 kilometr qalıb.

Sonxeber.net "Report"a istinadən bildirir ki, bu barədə Ukrayna Prezident Ofisinin rəhbərinin müşaviri Oleksiy Arestoviç danışıb.

Onun sözlərinə görə, Ukrayna Ordusunun Posad-Pokrovske kəndindəki mövqelərindən Xerson şəhərinə 30 km məsafə olsa da, Ukrayna hərbçiləri artıq həmin yaşayış məntəqəsindən də irəlidədirlər:

"Bu mövqedən Xersondakı evlər artıq görünür. Bu, çox yaxşıdır, çünki artilleriyanın bütün növləri işə başlayacaq", - Prezident Ofisinin rəsmisi vurğulayıb.

Xatırladaq ki, daha öncə Ukrayna Prezidenti Volodimir Zelenski Ukrayna Ordusunun oktyabrın 1-dən Xerson vilayətində 500 kvadrat km-dən çox ərazini və onlarla yaşayış məntəqəsini işğaldan azad etdiyini açıqlayıb. Ukrayna Silahlı Qüvvələrinin bu istiqamətdəki uğurlarını ABŞ mərkəzli Müharibə Araşdırmaları İnstitutu da vurğulayıb.


Etiketlər:  Ukrayna hərbçilərinin mövqelərindən Xerson şəhərinə qalıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ