Saçlardakı problemləri aradan qaldıracaq vasitələr

Tarix: 8 Oktyabr 2022 18:03

Mövsüm dəyişiklikləri zamanı saçlarda bəzi problemlər yaranır. Saç dibləri qızarır, quruluq artaraq kəpəyin çoxalmasına səbəb olur və qaşınma yaranır.

Sonxeber.net Axşam.az-a istinadən xəbər verir ki, sözügedən problemlərin səbəbi və əlamətləri insandan insan dəyişir. Lakin sizdə adıçəkilən simptomlar varsa, aşağıdağı məsləhətlərə əməl edə bilərsiniz:

1. İstifadə etdiyiniz şampun və kremləri dəyişin. Xüsusilə yay mövsümü üçün günəşin ultrabənövşəyi şüalarından qoruyan, nəmləndirən məhsullara üstünlük verin. Tərkibində sink pirition, selenium sulfid, ketokonazol, tar, salisilik turşusu olan şampunlardan istifadəsi edin.

2. Mineral yağ və ya zeytun yağı saç dibinə çəkib bir neçə saat gözləmək, sonra saçları yumaq dərini yumşaldır. 

3. Baş dərisində problem varsa, onu aradan qaldırana qədər saçı formaya salmaq üçün istifadə olunan kremlər, spreylər və gellərdən uzaq durun.

4. Ədviyyatlı qidalar saç köklərini qıcıqlandıraraq yağ vəzilərinin işini sürətləndirir. Bu isə tökülmə və kəpək problemlərinə səbəb olur. Bu səbədən acı və ədviyyatlı qidaların miqdarını azaltmağa çalışın.

5. Əgər sadalanan və ya istifadə etdiyiniz hər hansı təbii vasitə xəstəliyi aradan qaldırmırsa, mütəxəssisə müraciət edin.