Müğənni təcavüzə məruz qaldığını açıqladı

Tarix: 13 Oktyabr 2022 09:20

"Hilton" otellər şəbəkəsinin varisi, müğənni-dicey Peris Hilton açıqlamasıyla gündəmə gəlib.

Milli.Az axşam.az-a istinadən xəbər verir ki, Peris "New York Times" nəşrinə müsahibəsində cinsi zorakılığa məruz qaldığını etiraf edib. O, hadisənin Yuto ştatındakı Provo Kanyon internat məktəbində baş verdiyini bildirib:

"Gecə 3-4 radələrində məni və digər qızları bir otağa gətirdilər və tibbi müayinədən keçirdilər. Nə etdiklərini bilmirəm, amma onlar həkim deyildilər. Həqiqətən də qorxulu idi və bunu illərdir özümdən uzaqlaşdırmağa çalışırdım. Amma indi bu haqda düşünürəm. Bir yetkin kimi geriyə baxdıqda, bunun cinsi zorakılıq olduğunu anlayıram".

Qeyd edək ki, Hiltonun 16 yaşı olarkən valideynləri onu üsyankar xasiyyətinə görə 11 ay müddətinə internat məktəbinə göndərmişdilər.

Milli.Az