Balayına getmişdilər, xeyirxahlıq etdilər

Tarix: 17 Oktyabr 2022 20:38

ABŞ-ın Kaliforniya ştatından olan 38 yaşlı Devid Skvillante və Doran Smit bal ayı səyahətində uşaqları yanan binadan xilas ediblər.

Sonxeber.net bildirir ki, bu barədə "The Boston Globe" məlumat yayıb.

Bal ayı zamanı yeni evlənənlər İspaniyanın Barselona şəhərində qalıblar. Onlar ekskursiyaya gediblər və orada qışqırıqlar eşidiblər. Məlum olub ki, panikaya səbəb yanğın olub: yanğın evlərdən birinin girişindən başlayıb.

Skvillante başqa bir girişə qaçıb və uşaq bağçasına girib. Dumanlı otaqda 20-yə yaxın körpə tapıb. Kişi uşaqları çarpayılarına qoyub Smitin olduğu girişə yuvarlamağa başlayıb.

Daha sonra yoldan keçənlər yeni evlənənlərə qoşulub və yanğınsöndürənlərin gəlməsinə bir neçə dəqiqə qalmış bütün uşaqlar xilas edilib. Cütlük bildirib ki , körpələrin heç biri xəsarət almayıb.

Baş verənlərə baxmayaraq, Skvillante və Smith yarım saat gec də olsa, planlaşdırdıqları tura çatıblar. Yalnız parkda gəzəndən sonra anlayıblar ki, balaca uşaqları xilas ediblər. "Sanki filmə baxırdıq. Bu, sadəcə olaraq reallıq kimi hiss olunmurdu", - kişi deyib.

İrfan Vəliyev