Aktual mövzular: Dollar alış-satışı, Məzənnə, Neftin qiyməti

"Kasparov, sən idiotsan!" - İlon Mask qəzəbləndi - FOTO

Tarix: 25 Oktyabr 2022 09:52

ABŞ-dakı "Tesla" və "SpaceX" korporasiyalarının banisi, habelə baş direktoru İlon Mask şahmat üzrə sabiq dünya çempionu Harri Kasparovu aşağılayıb.

Milli.Az bildirir ki, Harri Kasparov CNBC telekanalında qatıldığı proqramda Ukraynadakı situasiyanı şərh edərkən deyib: "İlon Maskın Ukraynadakı situasiya ilə bağlı "nizamlanma planı" əsl mənəvi idiotizmdir. Silikon Vadisindəki malikanələrində rahat oturan insanlar Kiyevə necə davranmaqla bağlı göstəriş verə bilməzlər".

Buna cavab olaraq İlon Mask Twitter-dəki mikrobloqunda yazıb: "Kasparov mənim iPhone telefonum qədər yaxşı şahmat oynasa da, yerdə qalan bütün işlərdə idiotdur. Sarsaq, mənim evim belə yoxdur - o ki ola "malikanə"".

Xatırladaq ki, İlon Mask Rusiyanın Ukraynada işğal etdiyi ərazilərdə BMT nəzarəti ilə təkrar referendumun keçirilməsini, Krım yarımadasının Rusiyanın tərkibində qalmasını, Krımın su təminatının yaxşılaşdırılmasını və Ukraynanın neytral dövlət olmasını təklif etmişdi.

Rəsmi Kiyev amerikalı milyarderin təkliflərini sərt tənqid edib.

Milli.Az