Aktual mövzular: Dollar alış-satışı, Məzənnə, Neftin qiyməti

İrəvan razı olmasa, Bakı güc tətbiq edəcək

Tarix: 10 Noyabr 2022 21:08

Ermənistan danışıqlar yolu ilə razı olmasa, Azərbaycan Zəngəzur dəhlizini güc yolu ilə açacaq, üç ildən sonra isə sülhməramlıların da bölgədən çıxarılmasına nail olacaq.

Milli.Az axar.az-a istinadən bildirir ki, bu barədə Ermənistanın "Hraparak" nəşri yazıb.

"Siyasi dairələrdə sülh müqaviləsinin gerçəkləşməsinin sonuncu mərhələyə qədəm qoyduğu bildirilir. Bu ilin sonuna qədər Qarabağ məsələsi Azərbaycanın xeyrinə həll ediləcək. Tiflisdə tərəflər Qərbin təklif etdiyi müqaviləyə qol çəkə bilər. Paşınyanın da öz xalqı qarşısında deməyə sözü olacaq: "Gördünüz ki, mən Soçiyə də getdim, Tiflisə də. Hər iki variantda Qarabağ Azərbaycana keçir". Əks təqdirdə razılıq əldə olunmasa, Əliyev bir hərbi əməliyyatla Qarabağı erməni silahlılarından təmizləyərək, yenə də öz istədiyinə çatacaq", - nəşr bildirib.

Qeyd edək ki, Azərbaycanın qərb rayonları ilə Naxçıvanı birləşdirən maneəsiz yolun açılması Ermənistanın 10 noyabr 2020-ci il bəyanatı ilə üzərinə götürdüyü öhdəlikdir.

Milli.Az

Whatsapp ilə göndər