Aktual mövzular: Dollar alış-satışı, Neftin qiyməti, COP29, Hava proqnozu

Məşhur zoopark quş qripinə görə gözlənilmədən bağlandı

Məşhur zoopark quş qripinə görə gözlənilmədən bağlandı

Tarix: 19 Noyabr 2022 17:20

Berlin Zooparkı gözlənilmədən qapılarını ziyarətçilərin üzünə bağlayıb.

Buna səbəb həftənin əvvəlində ölən bir quşa quş qripi diaqnozunun qoyulması olub.

Sonxeber.net oxu.az-a istinadən xəbər verir ki, 2019-cu ildə 3,7 milyondan çox qonaq qəbul edən zoopark ziyarətçilərin üzünə nə vaxt açılacağı barədə məlumat verməyib.

"Biz dərhal genişmiqyaslı karantin tədbirlərinə başladıq. Demək olar ki, bütün quşlar, o cümlədən pinqvinlərimiz arxa qəfəslərə və ya tövlələrə köçürüldü", - deyə Berlin zooparkın, eləcə də Tierpark zooparkının zooloji direktoru Kristian Kern bildirib.

Kern əlavə edib ki, digər quşlarda xəstəliyin müvafiq əlamətləri müşahidə edilmir, lakin onlar yenə də quş qripi üçün testlərdən keçiriləcək.

Həmçinin məlumatda bildirilir ki, quş qripinin digər populyasiyalara yoluxması riskinin qarşısını almaq üçün bütün zoopark ziyarətçilər üçün bağlanıb və işçilər qoruyucu geyim geyinirlər.


Etiketlər:  Məşhur zoopark quş qripinə görə gözlənilmədən bağlandı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ