Aktual mövzular: Dollar alış-satışı, Məzənnə, Neftin qiyməti

Türkiyədə “Kızılelma” pilotsuz döyüş təyyarəsinin testləri uğurla tamamlanıb

Türkiyədə “Kızılelma” pilotsuz döyüş təyyarəsinin testləri uğurla tamamlanıb

Tarix: 20 Noyabr 2022 17:06

Türkiyənin "Baykar" müdafiə sənayesi şirkətinin istehsal etdiyi "Kızılelma" pilotsuz döyüş təyyarəsi avtomatlaşdırma və uçuş testini uğurla başa vurub.

Bu barədə Milli.Az-a "Baykar" şirkətinin mətbuatla əlaqələr şöbəsinin müdiri İlker Akgüngör məlumat verib.

Qeyd olunub ki, Türkiyənin milli, orijinal və ilk pilotsuz döyüş təyyarəsi olan "Kızılelma"nın müvafiq sınaqları yerli və xarici mütəxəssislər tərəfindən mərhələli şəkildə həyata keçirilib.

"Kızılelma"nın sürəti hazırda səs sürətinə yaxındır. Sonrakı dövrdə onun sürəti supersonik səviyyəyə qaldırılacaq. Bu uçuş aparatı 1,5 tona yaxın faydalı yük qaldıra bilir, hava-hava, hava-yer tipli və digər raketlər daşımaq qabiliyyətinə malikdir.

Radardan yayına bilmək üçün vacib olan şeylər içəridə yerləşdirilir. Radardan yayınmağa ehtiyac olmadıq­da lazımi yüklər qanadın altında yerləşdirlə bilər.

Milli.Az


Etiketlər:  Türkiyədə Kızılelma pilotsuz döyüş təyyarəsinin testləri uğurla tamamlanıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ