Azərbaycanlı idmançı ermənini məğlub etdi - VİDEO

Tarix: 6 Dekabr 2022 18:14

Azərbaycan təmsilçisi Rafiz Həsənov Rusiyanın paytaxtında keçirilmiş "Moscow - Karate Universe" beynəlxalq turnirində Ermənistan karateçisi Davit Makyana 5:0 hesabı ilə qalib gəlib.

Sonxeber.net qafqazinfo-ya istinadən xəbər verir ki, Həsənov turnirin yalnız finalında yerli idmançıya məğlub olaraq, yekunda gümüş medal qazanıb.

15 ölkədən 307 idmançının mübarizə apardığı turnirə 11 karateçi ilə qatılan Azərbaycan yığması 6 mükafat əldə edib.

Asiman Qurbanlı (84+ kq) yarışın qalibi olub. Rafiz Həsənov (-75 kq) isə ikinci yeri tutub. Roman Heydərov (kata), Əminağa Quliyev (-60 kq), Hüseyn Məmmədli (-67 kq) və Pənah Abdullayev fəxri kürsünün üçüncü pilləsinə qalxıb.

Rafiz Həsənov 24 ildir karate ilə məşğul olur. O, şotokan növü üzrə Avropa və dünya çempionudur.