Aktual mövzular: Dollar alış-satışı, Məzənnə, Neftin qiyməti

“Əmək müqavilələri elektron platforma üzərindən imzalanacaq”

“Əmək müqavilələri elektron platforma üzərindən imzalanacaq”

Tarix: 21 Dekabr 2022 17:20

"Növbəti ildən bütün müqavilələr elektron platforma üzərindən imzalanacaq".

Milli.Az qafqazinfo-ya istinadən xəbər verir ki, bu barədə Dövlət Məşğulluq Agentliyinin təşkilatçılığı ilə ölkədə 2-ci dəfə keçirilən Azərbaycan Karyera İnkişaf Forumunda əmək və əhalinin sosial müdafiəsi naziri Sahil Babayev bildirib.

Nazir qeyd edib ki, növbəti ildə bu, qanunvericilik qaydasında tətbiq ediləcək: "Nazirlik olaraq biz ilk təşəbbüsü öz üzərimizə götürdük. Nazirliyin bütün müqavilələrinin elektron platforma üzərindən imzalanmasına cari ildə başladıq. Nöbvbəti ildə biz bunu qanunvericilik qaydasında tətbiq etməyə çalışacağıq. Bu çərçivədə kadr kargüzarlığı tam elektronlaşacaq. Mövcud əmək məcəlləsi xətalarının böyük hissəsi aradan qalxacaq. Həmçinin iş saatı, əmək ezamiyyəti, əmək məzuniyyəti və digər məsələlər elektron sistem üzərindən aparılacaq və burada texniki xətalara yol verilməyəcək. Əmək kitabçaları ləğv olunacaq, kağız üzərində əmrləşməyə ehtiyac qalmayacaq. Bunun bütün əmək münasibətlərinə şamil olunması üçün ətraflı proqram təminatları hazırlanıb".

Milli.Az


Etiketlər:  Əmək müqavilələri elektron platforma üzərindən imzalanacaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ