Aktual mövzular: Dollar alış-satışı, Neftin qiyməti, COP29, Hava proqnozu

Bu gün 8000-dən çox ağac əkilib - FOTO

Tarix: 21 Yanvar 2023 19:20

Respublika ərazisində son günlər hava şəraitinin əlverişli keçməsi ölkənin meşə fondu torpaqlarında meşəbərpa tədbirlərinin davam etdirilməsinə şərait yaradıb.

Sonxeber.net APA-ya istinadən xəbər verir ki, Meşələrin İnkişafı Xidmətinin rəsmisi Vahid Fərzəliyev bildirib ki, bu gün Regional Meşə Təsərrüfatı Mərkəzlərinin əməkdaşları tərəfindən Sabirabad və Şamaxı rayonlarının meşə fondu ərazilərinin ümumilikdə 10 hektar sahəsində 8000-dən çox ağac tingi əkilib:

"Yanvarın 1-dən 21-dək ötən müddət ərzində isə respublika ərazisinin meşə fondu torpaqlarının açıq və seyrək sahələrinin 80 hektarında meşəbərpa tədbirləri aparılıb, 70 000 ağac tingi əkilib, 3500 kq toxum səpilib".