Aktual mövzular: Dollar alış-satışı, Neftin qiyməti, COP29, Hava proqnozu

Mələyin heykəli onu kilsədən oğurlayan şəxsdən dərhal “qisasını aldı” - FOTO

Tarix: 22 Yanvar 2023 03:44

Meksikada baş verən qəribə hadisə sosial mediada böyük müzakirələrə səbəb olub. Belə ki, kilsədən oğurluq etmək istəyən kişi elə oradaca "cəzalanıb": Kilsənin himayəçisi hesab olunan mələk heykəlinin qılıncı ilə boynundan yaralanıb.

Milli.Az oxu.az-a istinadən xəbər verir ki, hadisə Monterrey şəhərində baş verib.

Karlos Alonso ibadət ocağından Müqəddəs Arxangel Mixailin heykəlini oğurlamaq istəyib. O, heykəllə kilsədən çıxmaq istəyərkən ayağı sürüşüb və heykəlin əlindəki qılıncının üstünə düşüb.

Boynundan ciddi şəkildə yaralanan kişini yoldan keçənlər görüb və həkim çağırıblar.

Kişi ilkin müdaxilədən sonra xəstəxanaya aparılıb, həkimlər onun həyatını xilas edə biliblər.

Ancaq Alonsonu sağaldıqdan sonra oğurluğa cəhdə görə məhkəmə gözləyir.

Arxangel Mixaelin heykəli isə zədələnməyib.

Milli.Az