''Bədənə müdaxilə ömrü qısaldır''

Tarix: 2 Mart 2023 18:40

Mərhum Əməkdar artist Tünzalə Əliyevanın ölümündən 40 gün keçir.

Milli.Az axşam.az-a istinadən xəbər verir ki, "Space səhər"in növbəti buraxılışı aktrisaya həsr edilib. Aparıcı Rövşanə Ağasəfqızı "Toppuş bacı" ləqəbli aktrisanın mədəkiçiltmə əməliyyatı etdirdikdən sonra onkoloji problemlə üzləşdiyini açıqlayıb:

"Bədənə yersiz müdaxilələr ömrü qısaldır. Tünzalə bədəninə müdaxilə etdi. O, bir çox obrazı "Toppuş bacı" siması ilə yaradırdı. Mədəsini kəsdirdi, toppuşluq getdi. Elə deyəsən mədəsini kəsdirəndən sonra da xəstəliyi başladı. Bir dəfə görüşdük, dedi, heç nə yeyə bilmirəm. Xəstəlik elədir ki, normal qidalanmalıdır. İmmuniteti qalxsın deyə yeməli idi. Adamın mədəsi yoxdur, nə yeyirdi qaytarırdı. Onunla immunitet qalxar?".

Rövşanə plastik əməliyyat etdirən qadınlara səslənib:

"Bədənə yersi müdaxilələr etməyin. Gözəllik uğrunda bir savaş gedir. Hər cür dərmandan istifadə edirlər ki, arıqlasınlar. Onsuz da model olmayacaqsınız. Azərbaycanda moda elə pik sahədə deyil ki, sizi dəfiləyə çıxartsınlar. Modelyerlərimiz iki-üç nəfərdi. Onlarda haradadılar bilinmir. Canınızın qədrini bilin, oramı, buramı kiçildim deyib, özünüzü nə günə qoymayın".

Milli.Az