Aktual mövzular: Dollar alış-satışı, Neftin qiyməti, COP29, Hava proqnozu
Tarix: 2 Mart 2023 19:58
Sankt-Peterburqda "Oxta Mall" ticarət-əyləncə mərkəzinin mühafizəçiləri binanın içərisində qanunsuz mal satmaq istədikləri iddia edilən ziyarətçilərlə dava salıblar.
Sonxeber.net bildirir ki, dava videoya çəkilib, görüntülər "VKontakte" sosial şəbəkəsində paylaşılıb.
Videoda 3 əməkdaşın ticarət mərkəzinin qonaqları ilə necə mübahisə etdiyi görünür. Ağ köynəkli mühafizəçi sıçrayaraq kişinin üstünə qaçıb, qız və münaqişənin digər şahidləri dava edənləri ayırmağa çalışıblar.
Daha sonra hadisə şahidləri bildiriblər ki, davada zərər çəkən oğlan və qız bəzi malları satmaq niyyətində olublar. Mühafizəçilər bunun belə olub-olmadığını yoxlamağı lazım bilib və ticarət mərkəzinin qonaqlarına hücum ediblər.
Polis vəziyyəti şərh etməyib. Bundan əlavə, davada xəsarət alan ziyarətçilərin tibb müəssisəsinə gedib-getmədiyi məlum deyil.
İrfan Vəliyev