''Qərb ölkələri Ukraynaya ordu yeridəcək''

Tarix: 31 Mart 2023 23:36

Macarıstan lideri Viktor Orban bildirib ki, AB Ukraynaya sülhməramlı qüvvə kimi qoşun göndərməyi düşünür.

Sonxeber.net axar.az-a istinadən bildirir ki, bu barədə rusiyalı siyasi ekspert Sergey Markov Feysbuk səhifəsində yazıb.

O bildirib ki, bu, mümkün ola bilər:

"1. AB sülhməramlıları adı altında Polşa Ukraynanın qərb bölgələrini faktiki olaraq ilhaq etmək məqsədi ilə öz qoşunlarını göndərməkdən məmnun olacaq;

2. Ukraynada atəşkəs imzalanarsa, AB öz qoşunlarını demarkasiya xəttinə göndərməyə hazır olacaq. Amma Rusiya buna qarşı çıxacaq, çünki AB neytral deyil, Rusiyaya qarşı müharibənin birbaşa iştirakçısıdır. AB isə öz qoşunlarını sülhməramlı adı altında göndərməkdən məmnun olacaq ki, onlar de-fakto Rusiyaya qarşı orada dayanacaqlar;

3. AB qoşunlarının demarkasiya xəttinə yalnız Ukrayna tərəfdən daxil olması mümkündür;

4. Döyüş əməliyyatlarında iştirak etmək üçün bir neçə NATO ölkəsindən qoşun gətirmək mümkündür. Amma bu, guya sülhməramlıların və guya AB adından tətbiq edilməsi kimi rəsmiləşdiriləcək;

5. ABŞ AB-ni dekabrda Ukraynanın ittifaqa üzvlüyü ilə bağlı qərar verməyə məcbur edir. Bu, AB və NATO ölkələrinin qoşunlarının hərbi əməliyyatlarda iştirakı məqsədilə Ukraynaya gətirilməsi üçün əsas olacaq. Onlar sülhməramlı kimi rəsmiləşdiriləcək".