Aktual mövzular: Dollar alış-satışı, Neftin qiyməti, COP29, Hava proqnozu

Türkiyənin ilk yerli müşahidə peykinin kosmosa göndərilməsi yenidən təxirə salındı

Türkiyənin ilk yerli müşahidə peykinin kosmosa göndərilməsi yenidən təxirə salındı

Tarix: 14 Aprel 2023 12:48

Türkiyənin ilk yerli müşahidə peyki İMECE-nin kosmosa göndərilməsi prosesi hava şəraiti ilə bağlı yenidən təxirə salındı.

Sonxeber.net-ın TurkicWorld-a istinadən məlumatına görə, kosmosa göndərmə prosesi Türkiyə Elmi və Texnoloji Araşdırmalar Şurasının (TÜBİTAK) Ankaradakı Yer izləmə stansiyasında sənaye və texnologiya naziri Mustafa Varank, Prezidentin Strategiya və Büdcə departamentinin rəhbəri İbrahim Şenel, Müdafiə Sənayesi rəhbəri İsmail Demir, Rəqəmsal Transformasiya Ofisinin rəhbəri Ali Taha Koç və TÜBİTAK prezidenti Hasan Mandalın iştirakı ilə keçirilməli idi.

IMECE peyki fevralın 21-də ABŞ-dakı Vandenberq Kosmik Qüvvələri bazasına göndərilib.

Türkiyənin Milli Müdafiə Nazirliyi və Müdafiə Sənayesi Rəhbərliyinin koordinasiyası ilə həyata keçirilən layihənin orbitə göndərilməsi prosesi tamamlandıqdan sonra Türkiyənin Hərbi Hava qüvvələrinin inventarına daxil ediləcək.

Qeyd edək ki, bundan əvvəl İMECE peykinin kosmosa göndərilməsi prosesi 11 aprel tarixinə nəzərdə tutulsa da, təxirə salınmışdı.


Etiketlər:  Türkiyənin yerli müşahidə peykinin kosmosa göndərilməsi yenidən təxirə salındı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ