Aktual mövzular: Dollar alış-satışı, Neftin qiyməti, COP29, Hava proqnozu

Şəhid sərhədçi gizirin övladı dünyaya gəldi - FOTO

Tarix: 26 May 2023 15:40

May ayının 25-də Dövlət Sərhəd Xidmətinin bir qrup hərbi qulluqçusu 2022-ci il sentyabrın 12-dən 13-nə keçən gecə Ermənistan silahlı qüvvələrinin Zəngilan rayonu istiqamətində törətdiyi təxribatın qarşısını alarkən qəhrəmancasına şəhid olmuş Baş gizir Məmmədov Azər Mustafa oğlunun övladının dünyaya gəlməsi münasibətilə şəhidimizin ailəsini ziyarət ediblər.

Döyüş yoldaşları şəhidimizin ailə üzvlərinə Dövlət Sərhəd Xidmətinin rəisi general-polkovnik Elçin Quliyevin təbrikini çatdırmış, yeni doğulmuş körpənin Dövlətimizə və xalqımıza layiqli övlad kimi yetişməsini arzulayıblar.

Vətənin azadlığı uğrunda və xidməti vəzifələrinin icrası zamanı şəhid olmuş igid sərhədçinin ailə üzvləri göstərilən diqqət və qayğıya görə minnətdarlıq ifadə ediblər.