MB qiymət artımına qarşı: ekspertlər təklif verdi

Tarix: 13 Iyun 2023 14:16

Mərkəzi Bankın İdarə Heyətinin sədri Taleh Kazımov ölkənin bir qrup müstəqil iqtisadçısı ilə görüşüb.

Sonxeber.net Axar.az-a istinadən xəbər verir ki, bu barədə tanınmış iqtisadçı ekspert Natiq Cəfərli məlumat yayıb.

O bildirib ki, görüşdə əsas müzakirə mövzusu inflyasiya və qiymət artımı olub. Ekspertlər qiymət artımı ilə mübarizə istiqamətində təkliflərini səsləndiriblər:

"Xahiş etdim ki, hökumətlə müzakirələrdə mütləq vergi-gömrük tarifləri məsələsini də qaldırsın, ötən gün hökumətin ƏDV və rüsum siyasəti qiymət artımına ən çox təsir edən amillərdən biridir. Bir daha təklif etdik ki, dərman və ərzaqda ƏDV-ni 18%-dən 2%-ə salsınlar, bu addım dərhal qiymətlərin enməsinə təsir edəcək.

Taleh müəllim hökumətlə görüşlərdə bu istiqamətdə müxtəlif məsələlərin müzakirə olunduğunu bildirdi".

Qeyd edək ki, bu, MB-də ikinci belə görüşdür.