Azərsu illərdir zirzəmilərə dolan qrunt sularının mənbəyini hələ də AXTARIR... - VİDEO

Tarix: 21 Iyun 2023 13:24

Sumqayıtda zirzəmələrə dolan kanalizasiaya suları bina sakinlərini əməlli başlı narahat edir.

Sonxeber.net Xəzər TV-yə istinadən bildirir ki, şəhərin 17-ci mikroyanunda yaşayan sakinlər bildirirlər ki, zirzəmələrə illərdir mənbəyi bilinməyən yerdən kanalizasiya suları daxil olur. Müraciət əsasında gəlib təmizləsələr də, yenədə eyni vəziyyət höküm sürür. 

Mövcud məsələ sakinləri ciddi narahat edir. Onlar iddia edir ki, havalar isinən kimi vəziyyət dözülməz həddə çatır.

Azərsu ASC-nin Sumqayıt su kanal idarəsindən "Xəzər Xəbər"ə bildirildi ki, problemdən xəbərləri var. Tez tez həmin ünvanda zirzəmilərin təmizlənməsi prosesi həyata keçirilir.

Hazırda həmin zirzəmilərə daxil olan qurunt və kanalzasiya sularının mənbəyi müəyyənləşdirilir.

Məhz buna görə əraziyə texnikalar cəlb edilib. İşlərin qısa vaxt ərzində başa çatdırılması nəzərdə tutulub.

Mövzu ilə bağlı daha ətraflı videomaterialı təqdim edirik.