Sərnişinlə dolu təyyarəni ildırım vurdu – VİDEO

Tarix: 26 Iyun 2023 23:56

ABŞ-ın Arkanzas şəhər hava limanında sərnişinlərlə dolu təyyarəni iki dəfə ardıcıl ildırım vurub.

Sonxeber.net musavat.com-a istinadən bildirir ki, American Eagle aviaşirkətinə məxsus təyyarə tufanlı havada eniş edib, eniş dəhlizinə yaxınlaşmaq üçün küləyin dayanmasını gözləyirmiş.

Daily Mail-in yaydığı videodan aydın olur ki, ildırım nəticəsində təyyarədəki sərnişinlərdən xəsarət alan olmayıb. Onların hamısı sağ-salamat təyyarəni tərk ediblər.

Xatırladaq ki, iyunun 18-də Rusiyanın "Sibir" aviaşirkətinə məxsus təyyarə Abakandan Novosibirskə uçarkən havada onu ildırım vurub. Təyyarə zədə alsa da, salamat eniş edə bilib. Sərnişinlər təyyarəni tərk etdikdən sonra onun gövdəsində ildırımın yaratdığı yanıq işləri aşkarlanıb. Şirkət təyyarə tam yoxlananadək onu reyslərdən kənarlaşdırıb.