Aktual mövzular: Dollar alış-satışı, Məzənnə, Neftin qiyməti

General-polkovnik xəstəlikdən öldü - FOTO

Tarix: 1 Iyul 2023 19:32

Rusiya Silahlı Qüvvələri Baş Qərargah rəisinin keçmiş birinci müavini, general-polkovnik Valeri Manilov vəfat edib.

Milli.Az lent.az-a istinadən bildirir ki, o, uzun sürən xəstəlikdən sonra 84 yaşında dünyasını dəyişib.

Məlumata görə, general-polkovnik son günlərində olduğu P.V.Mandrik adına Mərkəzi Hərbi Klinik Hospitalda vəfat edib. Manilovun dəfn mərasimi iyulun 3-nə planlaşdırılıb. Dəfn mərasimi Moskva vilayətindəki Mıtişidəki hərbi xatirə qəbiristanlığında keçiriləcək.

Valeri Manilov 1939-cu il yanvarın 10-da Ukraynanın Vinnitsa vilayətinin kiçik şəhərciyində anadan olub. O, 1962-ci ildə Odessada Hərbi Akademiyanı bitirdikdən sonra xidmətə başlayıb. Daha sonra 1978-ci ildən SSRİ Müdafiə Nazirliyinin aparatında işləyib. 1993-1996-cı illərdə Rusiya Təhlükəsizlik Şurası katibinin müavini vəzifəsində çalışıb. Artıq 1996-cı ilin sentyabrından 2001-ci ilin iyununa qədər RF Silahlı Qüvvələri Baş Qərargah rəisinin birinci müavini vəzifəsində çalışıb. Bundan əlavə, Manilovun Çeçenistandakı federal qüvvələrin hərəkətlərinə informasiya dəstəyi ilə məşğul olduğu da məlumdur.

Milli.Az

Whatsapp ilə göndər