Aktual mövzular: Dollar alış-satışı, Neftin qiyməti, COP29, Hava proqnozu

Rusiya Zaporojye AES-ə zərbələr endirəcək - Ukrayna kəşfiyyatı xəritə yaydı

Tarix: 5 Iyul 2023 09:00

Ukrayna kəşfiyyatı Rusiyanın Zaporojye Atom Elektrik Stansiyasında (AES) terror aktı hazırladığını iddia edib.

Sonxeber.net musavat.com-a istinadən bildirir ki, kəşfiyyat bununla bağlı xəritə də paylaşıb. Xəritədə Zaporojye AES-in vurulması nəticəsində radiasiyanın yayılacağı ölkələr göstərilir.

Ukrayna prezidenti Vladimir Zelenski də bununla bağlı xəbərdarlıq edib. O, bildirib ki, ruslar Zaporojye AES-in bir neçə enerji blokunun damında partlayıcı maddələrə oxşar əşyalar yerləşdiriblər.

"The Times" qəzeti isə yazır ki, Putin sarsılmış mövqelərini gücləndirmək üçün yəqin ki, Zaporojye AES-in partladılmasını əmr edə bilər. Hərbçilərin və şəxsi heyətin son günlər stansiyadan tədricən çıxarılması bu şübhələrin reallığından xəbər verir.