Aktual mövzular: Dollar alış-satışı, Neftin qiyməti, COP29, Hava proqnozu

Lalə Elza və anası ilə BARIŞIB? - FOTO

Tarix: 13 Iyul 2023 10:10

Xəbər verdiyimiz kimi, bir neçə gün əvvəl Lalə Seyidcahan "Bizimləsən" ictimai-sosial verilişinə gələrək bacısı Əməkdar artist Elza Seyidcahanla səkkiz ilə yaxındır ki, küsülü olduğu və artıq Elzasızlığa öyrəşdiyini bildirib. Onun bu açıqlamasından sonra bacıların anası Seyidcahan Əhmədova proqrama zəng vuraraq Lalənin efirə çıxaraq Elza haqda səsləndirdiyi fikirləri sərt şəkildə tənqid edib.

Sonxeber.net bizim.media-ya istinadən bildriir ki, stilist Samiraldo (Samir Əliyev) Seyidcahanlılar ailəsi ilə bağlı diqqət çəkən paylaşım edib.

Stilist restoranların birində Lalə, Elza və bacıların anası Seyidcahan Əhmədova ilə bir araya gələrək onlarla xatirə şəkil çəkdirib.

Sözügedən fotonu sosial şəbəkə hesabında izləyiciləri ilə bölüşən Samiraldo "Biz mehriban ailəyik" şərhini yazıb. Lakin Lalənin Elza və anası Seyidcahan Əhmədova ilə barışıb-barışmadığı sual altında qalıb.