Aktual mövzular: Dollar alış-satışı, Neftin qiyməti, COP29, Hava proqnozu

İcra hakimiyyəti Nizami Gəncəvinin Sumqayıtdakı heykəli ilə bağlı açıqlama verdi

İcra hakimiyyəti Nizami Gəncəvinin Sumqayıtdakı heykəli ilə bağlı açıqlama verdi

Tarix: 28 Oktyabr 2019 11:20

Bakı. Samir Əli - Trend:

Sumqayıt şəhər İcra Hakimiyyəti şəhərin mərkəzi hissəsində ucaldılan dahi şair Nizami Gəncəvinin heykəlinin götürülməsi ilə bağlı yayılan məlumatlara aydınlıq gətirib.

Sumqayıt şəhər İcra Hakimiyyətinin İctimai-siyasi və humanitar məsələlər şöbəsinin baş məsləhətçisi Eyvaz Qocayev Trend-ə açıqlamasında bildirib ki, məsələ ilə bağlı yaradılan ajiotaj əsassızdır: "Nizami Gəncəvinin heykəli Sumqayıtda "Cavid" Ticarət Mərkəzinin qarşısındakı kiçik parkda idi. Həmin parkın isə Nizami Gəncəviyə heç bir aidiyyəti yox idi. Hazırda şəhərdə "Nizami" Kinoteatrı inşa olunur və yaxın vaxtlarda istifadəyə veriləcək. Nizami Gəncəvinin abidəsi də ona görə oradan götürülüb və yeni inşa olunan "Nizami" Kinoteatrının qarşısında qoyulub. Yerdəyişmə yalnız bununla əlaqədardır. Yəni, heykəl adına layiq yerə köçürülüb. Abidə dağıdılmayıb, yeni ünvanda ucaldılıb".

Xatırladaq ki, sosial şəbəkələrdə və bəzi media orqanlarında dahi şair Nizami Gəncəvinin Sumqayıt şəhərindəki abidəsinin dağıdıldığı qeyd olunub.

Trend-in ən mühüm və maraqlı xəbərlərini "Telegram"da izləyin


Etiketlər:  İcra hakimiyyəti Nizami Gəncəvinin Sumqayıtdakı heykəli ilə bağlı açıqlama verdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ