Gün ərzində neçə yumurta yemək olar?

Tarix: 9 Avqust 2023 22:15

Əgər insan çoxlu yumurta yeyirsə, bu onun sağlamlığına mənfi təsir göstərə bilər.

Milli.Az lent.az-a istinadən xəbər verir ki, bu barədə Gazeta.Ru-ya tibb elmləri namizədi, qastroenteroloq, Hemotest laboratoriyasının eksperti Yekaterina Kaşux bildirib.

Yumurtanın sarısındakı xolesterol  bədəndə artıq çəkiyə, aterosklerozun inkişafını sürətləndirir - damarlarda tıxanma əmələ gətirir.

"Yumurtanın tərkibində orqanizm üçün vacib olan amin turşular var. Onlar toxumaların qurulmasında, immun sisteminin müdafiəsində iştirak edir, maddələr mübadiləsinə müsbət təsir göstərir. Yumurtanın ağı isə orqanizm tərəfindən mükəmməl şəkildə mənimsənilir. Lesitin yumurtanın digər vacib tərkib hissəsidir. Öz strukturunda hüceyrədəki fosfolipid təbəqəsini bərpa etməyə kömək edən, yəni məhv olmaqdan qoruyan yağa bənzər bir maddədir. Beyin, onurğa və sinir hüceyrələrinin qoruyucu membranları 66% lesitindir. Bu, həm də yağların metabolizmasına, qaraciyərin vəziyyətinə müsbət təsir göstərir ", - deyə həkim bildirib.

Bundan əlavə, toyuq yumurtaları D vitamini mənbəyidir.

"Müxtəlif ölkələrin dietoloqları gündə 1-2 yumurtanın heç bir zərərinin olmayacağını qəbul edirlər. Çox yemək damarlarda tıxanmaya ürəyin infarkt riskini artırır. Yumurta ağı da allergiyaya səbəb ola bilər. Bu vəziyyətdə, pəhrizdəki toyuq yumurtalarından imtina etmək lazımdır"-deyə həkim izah etdi.

"Salmonella cinsindən olan bakteriyaların daşıdığı ciddi yoluxucu xəstəlik olan salmonellyoza yoluxma riski yüksək olduğu üçün çiy yumurta yeməkdən də çəkinməlisiniz. Patogen 5-10 dəqiqə qaynadıqdan sonra məhv olur", - deyə o, yekunlaşdırıb.

Milli.Az