Aktual mövzular: Dollar alış-satışı, Məzənnə, Neftin qiyməti

"Böyük futbolda normal təklif olsa, dəyərləndirəcəyəm"

Tarix: 2 Sentyabr 2023 23:06

"Böyük futbolda normal təklif olsa, dəyərləndirəcəyəm".

Milli.Az İdman.biz-ə istinadən xəbər verir ki, bunu Azərbaycanı minifutbol üzrə UEFA Çempionlar Liqasında təmsil edəcək "Birbaşa Bakı"nın futbolçusu Təmkin Xəlilzadə yarışdan əvvəl təşkil olunmuş mətbuat konfransında deyib.

O, karyerasını bitirmədiyini söyləyib: "Son olaraq "Zirə"də çıxış etmişəm. Baş məşqçi Rəşad Sadıqovla görüşdük və halallaşdıq. Premyer Liqa və ölkə xaricindən təkliflər var idi. Lakin ortaq məxrəcə gələ bilmədik. Minifutbolda oynamağı səbirsizliklə gözləyirəm".

Xəlilzadə turnirin maraqlı alınacağını vurğulayıb: "Ölkəmizi layiqincə təmsil etməyə çalışacağıq. Məşqlərimiz davam edir və yaxşı hazırlaşırıq".

Qeyd edək ki, "Birbaşa Bakı" C qrupunda "Prestij" (Albaniya), "Volta" (Moldova) və "Maqufana" (Yunanıstan) ilə qarşılaşacaq.

Milli.Az


Etiketlər:  Böyük futbolda normal təklif olsa dəyərləndirəcəyəm


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ