Aktual mövzular: Dollar alış-satışı, Neftin qiyməti, COP29, Hava proqnozu

Bu ölkə adını dəyişir: Artıq yeni adla dəvətnamələr göndərilir

Tarix: 6 Sentyabr 2023 18:22

Xəbər veridyimiz kimi, Hindistan hakimiyyəti ölkənin adını Bharat olaraq dəyişdirmək istəyir.

Müvafiq qətnamə parlamentin sentyabrın 18-dən 22-dək keçiriləcək xüsusi iclasında təqdim oluna bilər.

Sonxeber.net oxu.az-a istinadən xəbər verir ki, bu barədə məlumatı Hindistan Konqresinin lideri Cayram Rameş də təsdiqləyib. O bildirib ki, Raştrapati Bhavan (Hindistanda Prezident sarayı) hətta Bharat prezidenti adından G20 ölkələrinin iştirakçılarına dəvət də göndərib. Belə ki, G20 naharına rəsmi dəvətnamələrdə "Hindistan prezidenti" əvəzinə "Bharat prezidenti" yazılıb.

"Yəni xəbər həqiqətən doğrudur", - deyə Rameş "X" ("Twitter") hesabında qeyd edib.

Həmçinin Hindistan parlamentinin yuxarı palatasından da bununla bağlı açıqlama verilib.

"İngilislər Bharat adını Hindistan adı ilə dəyişdiriblər. Ölkəmiz min illərdir ki, Bharat adı ilə tanınır... "Hindistan" adı müstəmləkəçilikdə idi və buna görə də köləliyin simvoludur", - deyə palatadan bildirilib.

Whatsapp ilə göndər