ABŞ-nin hərbi kəşfiyyat briqadası İrəvana yerləşdirildi

Tarix: 19 Sentyabr 2023 12:12

Ermənistanda diplomatik pərdə altında ABŞ ordusunun Bastion sisteminə xidmət edən hərbi-texniki kəşfiyyat briqadası var. ABŞ Cənubi Qafqaz regionunda sabitliyin pozulmasına daim diqqət yetirir. Bu məsələdə onların əsas müttəfiqi rəsmi İrəvandır. Əslində, biz tam açıq və səmimi deyə bilərik ki, amerikalıları Cənubi Qafqaz regionuna gətirən erməni siyasi elitasıdır.

Milli.Az axar.az-a istinadən bildirir ki, bunu rusiyalı tarixçi-qafqazşünas Oleq Kuznetsov deyib.

"Bu baxımdan, bir daha xatırladaq ki, Bağdaddan sonra ikinci ən böyük Amerika səfirliyi İrəvandadır, 6 hektar ərazini əhatə edir, 5 min nəfər (rəsmi məlumatlarda 2,5 nəfərdir - red.) çalışır. Orada diplomatik pərdə altında ABŞ ordusunun Bastion sisteminə xidmət edən hərbi-texniki kəşfiyyat briqadası və hökumətlərarası razılaşma əsasında Ermənistanda yerləşdirilən Rusiya hərbçilərinə qarşı mübarizə aparacaq dəniz piyadaları briqadası var.

Bağdad və İrəvandakı səfirliklər ABŞ-ın Yaxın Şərq, Qərbi və Mərkəzi Asiyadakı hərbi-siyasi nüfuzunun forpostlarıdır və təəccüblü deyil ki, bu gün rəsmi İrəvan siyasi baxımdan Vaşinqtona mümkün qədər yaxındır, demək olar ki, bir vaxtlar Kremlə yaxın olduğu kimi. ABŞ-ın ümumilikdə Qərbi Asiya regionunda, xüsusən də Cənubi Qafqazda təsirini yaymağına məhz Ermənistan vasitəçi oldu", - o bildirib.

Milli.Az