Aktual mövzular: Dollar alış-satışı, Neftin qiyməti, COP29, Hava proqnozu

Şahin Mustafayev Xankəndiyə gedib

Tarix: 2 Oktyabr 2023 13:27

Bu gün Azərbaycanın mərkəzi hakimiyyətinin nümayəndələri və erməni icmasını təmsil edən şəxslər, həmçinin erməni sakinlər arasında növbəti görüş keçiriləcək.

Sonxeber.net musavat.com-a istinadən xəbər verir ki, görüş Xankəndi şəhərində baş tutacaq.

Bir neçə gün öncə Baş nazirin müavini Şahin Mustafayevin sosial-humanitar, iqtisadi və infrastruktur məsələlərin həlli üzrə rəhbərlik etdiyi işçi qrupun üzvlərinin cari fəaliyyət istiqamətlərini müəyyən etmək məqsədilə Xankəndi şəhəri də daxil olmaqla ərazidə kommunal, səhiyyə xidmətləri və digər mülki fəaliyyətlə məşğul olan müvafiq nümayəndələrlə görüşünün təşkili və birgə işçi qrupunun yaradılması barədə razılıq əldə olunub.

Qeyd edək ki, Azərbaycan Prezidenti İlham Əliyevin tapşırığı ilə Qarabağ bölgəsində sosial, humanitar, iqtisadi və infrastruktur məsələlərinin həlli məqsədilə Baş nazirin müavini Şahin Mustafayevin rəhbərliyi altında İşçi qrup yaradılıb.

Whatsapp ilə göndər