Aktual mövzular: Dollar alış-satışı, Məzənnə, Neftin qiyməti

Bu virusa görə 1000 nəfər öldü

Tarix: 2 Oktyabr 2023 16:00

Banqladeşdə denge virusundan ölənlərin sayı min nəfəri ötüb.

Milli.Az oxu.az-a istinadən bildirir ki, bu barədə Banqladeş Səhiyyə Nazirliyi məlumat yayıb.

Qeyd olunub ki, ölkədə hər gün minlərlə insan denge qızdırması səbəbilə xəstəxanalara müraciət edib. Müraciət edənlərdən 1 006 nəfərin həyatını xilas etmək mümkün olmayıb.

Banqabandhu Tibb Fakültəsinin dosenti Rafiqul İslam bildirib ki, virus ölkənin 64 bölgəsində ilk dəfə aşkarlanıb. Onun sözlərinə görə, musson yağışları mövsümündə və ya digər vaxtlarda təmiz saxlanılmalı olan yerlər təmizlənməyib, nəticədə virus sürətlə yayılmağa başlayıb.

Qeyd edək ki, əsasən tropik və subtropik regionlarda müşahidə edilən denge qızdırması virus infeksiyasıdır. Yüksək hərarət, ürəkbulanma, səpmə, baş və bel ağrıları xəstəliyin əsas əlamətləridir. Dünya Səhiyyə Təşkilatı denge xəstəliyini insan sağlamlığı üçün ən böyük təhdidlər siyahısına daxil edib.

Milli.Az

Whatsapp ilə göndər