Bu ölkəni gənələr bürüdü: Hökumət təcili toplanır

Tarix: 4 Oktyabr 2023 12:16

Fransanın müvafiq nazirliklərinin nümayəndələri tezliklə 2024-cü il Olimpiya Oyunları ərəfəsində ölkədə gənələrin yayılması problemi ilə bağlı iclas keçirəcəklər.

Sonxeber.net oxu.az-a istinadən bildirir ki, bunu Fransanın baş naziri Elizabet Born deyib.

"Biz bu istiqamətdə fəaliyyətimizi davam etdirmək və işimizi gücləndirmək əzmindəyik. Yaxın günlərdə müvafiq nazirlərlə görüş keçiriləcək. Biz həşəratların təsirinə məruz qalmış insanları müəyyən etmək, onlara kömək göstərmək və lazımi bölgələri dezinfeksiya etmək, ümumiyyətlə problemin uzunmüddətli həll yollarını tapmağa çalışırıq", - deyə Nazirlər Kabinetinin rəhbəri Fransa Milli Assambleyasının (parlamentin aşağı palatası) iclasında çıxışı zamanı bildirib.

Öz növbəsində, deputatlar gənələrin yayılmasına qarşı mübarizəyə həsr olunmuş qanun layihəsini dekabrda müzakirəyə təqdim etmək niyyətindədirlər.

Qanun layihəsində zərərvericilərə qarşı mübarizənin, xüsusən də aztəminatlı vətəndaşların yaşadığı sosial evlərdə ödənişz təşkili təklif olunacaq.