Aktual mövzular: Dollar alış-satışı, Neftin qiyməti, COP29, Hava proqnozu

Gürcüstan prezidenti parlamentin qəbul etdiyi qanunu imzalamadı

Tarix: 17 Oktyabr 2023 21:54

Gürcüstan prezidenti Salome Zurabişvili etiraz aksiyaları zamanı çadırların quraşdırılmasını qadağan edən parlamentin qəbul etdiyi qanunu imzalamaqdan imtina edib.

Sonxeber.net report-a istinadən xəbər verir ki, bu barədə Gürcüstan dövlət başçısının administrasiyası məlumat yayıb.

Gürcüstan prezidenti qanunu növbəti anti-Avropa qanunu kimi qəbul edib.

Oktyabrın əvvəlində Gürcüstan parlamenti etiraz aksiyaları zamanı müvəqqəti tikililərin quraşdırılmasını qadağan edən qanunu sürətlə qəbul edib. Hakim "Gürcü Arzusu - Demokratik Gürcüstan" partiyasının təşəbbüsünə əsasən, etirazçılar başqalarının təhlükəsizliyinə təhlükə törətdikdə, polis əməkdaşlarının ictimai asayişi qorumasına mane olduqda və ya təşkilatların fəaliyyətinə mane olduqda onlara müvəqqəti tikililər quraşdırmaq qadağandır.

Qanun layihəsinin müəlliflərinin qeyd etdiyi kimi, buna zərurət Gürcüstanın xüsusi xidmət orqanlarının ilin sonunda gözlənilən kütləvi iğtişaşlar barədə məlumatlara görə yaranıb.

Whatsapp ilə göndər