İordaniya Baydenlə sammiti ləğv etdi

Tarix: 18 Oktyabr 2023 07:20

İordaniyanın xarici işlər naziri Ayman Hüseyn Abdullah əs-Səfədi oktyabrın 18-də Əmmanda ABŞ Prezidenti Co Baydenin iştirakı ilə keçirilməsi planlaşdırılan sammitin ləğv edildiyini açıqlayıb.

Sonxeber.net axar.az-a istinadən bildirir ki, bu barədə "Əl-Cəzirə" məlumat yayıb.

"Əmmanda dördtərəfli sammit keçirməmək qərarına gəldik", - deyə nazir bildirib.

O, bu qərarın Misir, ABŞ və Fələstinlə məsləhətləşmələrdən sonra verildiyini izah edib.

Qeyd edək ki, oktyabrın 18-də İordaniyanın paytaxtında baş tutmalı olan görüşdə Bayden, İordaniya kralı II Abdullah, Misir Prezidenti Əbdülfəttah əs-Sisi və Fələstin Prezidenti Mahmud Abbas iştirak etməli idi.

Bundan əvvəl Mahmud Abbas Qəzzadakı xəstəxanaya raket zərbəsi nəticəsində yüzlərlə insanın ölümünə görə sammitdən iştirakdan imtina etmişdi.