Mask ABŞ prezidentliyinə namizəd ola bilməz - Professor

Tarix: 25 Oktyabr 2023 20:30

İlon Mask ABŞ prezidenti olaraq namizəndliyini irəli sürə bilməz. Çünki bir çox ölkələrdə olduğu kimi, ABŞ konstitusiyasında da prezidentliyə namizəd olan şəxsin ABŞ-da doğulması şərtdir. İlon Mask isə Cənubi Afrikada doğulub.

Sonxeber.net xəbər verir ki,  Bu sözləri Axar.az-a açıqlamasında beynəlxalq hüquq üzrə professor Fərhad Mehdiyev məşhur milyarder İlon Maskın ABŞ prezidenti olma ehtimalı ilə bağlı səsləndirilən ehtimallara cavabında deyib.

Hüquqşünas bildirib ki, ABŞ-da prezidentə aid olan şərtlər vətəndaşlıq bağının gücləndirilmiş formasıdır.

Professor bu qanunun nə qədər ədalətli olmasına da münasibətini bildirib:

"ABŞ əslində miqrantlar ölkəsidir. Ona görə də prezidentliyə namizədliyini irəli sürməsi üçün şəxsin ABŞ-da doğulması qərarı ədalətli deyil. Bu qanun hətta başqa ölkədə doğulub, lap kiçik yaşlarında ABŞ-a köçən və əslində dünyagörüşü, bütün təhsil və siyasi-ictimai karyerası ABŞ-la bağlı olanlara da şamil olunur ki, bu da müəyyən qədər insan hüquqlarının pozulması kimi də qəbul edilə bilər".

Qeyd edək ki, İlon Mask 1971-ci ildə Cənubi Afrika Respublikasının (CAR) Pretoriya şəhərində anadan olub.