Aktual mövzular: Dollar alış-satışı, Neftin qiyməti, COP29, Hava proqnozu
Tarix: 30 Oktyabr 2023 13:24
Kiçik və Orta Biznesin İnkişafı Agentliyi (KOBİA), "Marsol Group" və "İş adamları Cəmiyyətinin Milli Assosiasiyası"nın təşkilatçılığı, Sahibkarlığın İnkişafı Fondu və "Kapital Bank"ın tərəfdaşlığı, "Global Logistics Services" və Beynəlxalq Təhsil Mərkəzinin sponsorluğu ilə şirkətlər və dövlət qurumları arasında "2-ci Marsol Zəfər Kuboku" intellektual yarışı keçirilib.
Tədbirdə KOBİA-nın İdarə Heyəti sədrinin müavini Samir Hümbətov, Sahibkarlığın İnkişafı Fondunun İdarə Heyəti sədrinin müavini Eldar Həmidov, "Marsol Group"un təsisçisi və "İş adamları Cəmiyyətinin Milli Assosiasiyası"nın İdarə Heyətinin sədri Tural Mustafayev və sponsorlar çıxış ediblər.
Yarışda 138 şirkət və bir neçə dövlət qurumunun nümayəndələrindən ibarət 23 komanda iştirak edib. İntellektual yarışda "Kapital Bank"ın komandası 1-ci, "ROOF Academic Training" şirkətinin komandası 2-ci, KOBİA-nın komandası isə 3-cü yerin sahibi olub.
Qaliblər diplom, medal və hədiyyələrlə təltif ediliblər.