Fransa və Özbəkistan bu sənədləri imzaladı - FOTO

Tarix: 3 Noyabr 2023 09:26

Səmərqənddə keçirilən danışıqların nəticələrinə əsasən Makron və Mirziyoyev birgə bəyanat qəbul ediblər.

Sonxeber.net xəbər verir ki, Özbəkistan Prezidentinin mətbuat xidmətinin yaydığı məlumata görə, maliyyə, təhsil, mədəniyyət və dövlətlərarası əməkdaşlığın digər sahələrində 8 ikitərəfli sənəd imzalanıb. 

O cümlədən:

"Səmərqənd Fransız Alyansı"nın yaradılması və fəaliyyəti haqqında hökumətlərarası saziş;

Özbəkistanın içməli su təchizatı infrastrukturunun təkmilləşdirilməsi üzrə hökumətlərarası maliyyə protokolları (mərhələ 1 və 2);

Fransa İnkişaf Agentliyinin və PROPARCO-nun Özbəkistanda yaradılması və fəaliyyəti haqqında Hökumətlərarası Sazişə dəyişikliklər və əlavələr haqqında protokol;

xarici işlər nazirlikləri arasında diplomatik kadrların hazırlanması sahəsində əməkdaşlıq haqqında bəyannamə;

məktəbəqədər, məktəb, peşə və ali təhsil sahəsində əməkdaşlıq haqqında protokol;

mədəni irs sahəsində əməkdaşlıq bəyannaməsi;

peşə və texniki təhsil sahəsində əməkdaşlıq haqqında saziş.

Həmçinin səfər zamanı Özbəkistanın Mədəniyyət və İncəsənətinin İnkişafı Fondu ilə "Suez" və "Bouygues" şirkətləri arasında əməkdaşlıq haqqında bəyannamələr imzalanıb.

Hər iki dövlətin münasibətləri strateji tərəfdaşlıq səviyyəsinə yüksəltmək niyyəti qeyd olunub.