Azarkeşlər APOEL-in oyununu boykot edir

Tarix: 4 Noyabr 2019 17:08

Avropa Liqasının qrup mərhələsində “Qarabağ”ın rəqibi olan APOEL-in baş məşqçisi Tomas Doll yerli media ilə soyuq münasibətdədir.

Qol.az Kipr mətbuatına istinadən xəbər verir ki, almaniyalı çalışdırıcı komandada qısa müddətdə işləməsinə baxmayaraq jurnalistlərlə yola getmir.

Bu səbəbdən Nikosiya təmsilçisinin Kipr çempionatının son turunda AEK-lə oyununda məhdud sayda media nümayəndəsi iştirak edib.

Bundan başqa, azarkşelərin də bir çoxu komandanın oyununi boykot edir. Onlar APOEL-in bu mövsüm qeyri-sabit çıxışından narazıdır.

Fanatlar noyabrın 7-də "Qarabağ"la keçiriləcək mühüm əhəmiyyət daşıyan görüşə də böyük maraq göstərmir. Bunun nəticəsidir ki, qarşılaşmaya cəmi 3 min bilet satılıb.  Klub isə azarkeşlərin bu münasibətindən narazıdır.

Kiprin Kerkide saytı yazıb ki, azarkeşləri tribunalara qaytarmaq lazımdır.  Necə ki, əvvəlki illərdə APOEL-in avrokubolardakı oyunu zamanı tirubunlar dolurdu.

Qeyd edək ki, APOEL "Qarabağ", "Sevilya" və "Düdelanj"la mübarizə apardığı qrupda cəmi bir xal qazanıb. Nikosiya təmsilçisi noyabrın 7-də "Qarabağ"la görüşdə uduzsa, qrupdan çıxmaq şansını itirəcək.