Aktual mövzular: Dollar alış-satışı, Neftin qiyməti, COP29, Hava proqnozu
Tarix: 9 Noyabr 2023 20:20
İraqın qərbində yerləşən Ənbar əyalətində ABŞ-nin Ayn əl-Əsəd bazasına iki hücum həyata keçirilib.
Sonxeber.net AZƏRTAC-a istinadən bildirir ki, bu barədə "Al Mayadeen" telekanalı məlumat yayıb.
Məlumata görə, hərbi obyektə raket zərbəsi endirilib. Daha sonra bazaya kamikadze dronları tərəfindən hücum edilib.
"Al Arabiya" telekanalı adı açıqlanmayan mənbələrə istinadən xəbər verir ki, ABŞ hərbçiləri pilotsuz təyyarələrin hücumunun qarşısını ala bilib.
Bazar ertəsi İraq İslami Müqavimət Hərəkatı şiə silahlılarının Suriya və İraqda ABŞ-ın dörd hərbi obyektinə altı hücum təşkil etdiyini bildirib.