Aktual mövzular: Dollar alış-satışı, Neftin qiyməti, COP29, Hava proqnozu

''Qarabağ''la final xarakterli oyunun mənasını anlamırlar'' - APOEL rəsmisi

''Qarabağ''la final xarakterli oyunun mənasını anlamırlar'' - APOEL rəsmisi

Tarix: 5 Noyabr 2019 13:48

Avropa Liqasının qrup mərhələsinin 4-cü turunda keçiriləcək APOEL - "Qarabağ" oyununa yerli azarkeşlərin marağı azdır.

Qol.az Kipr mətbuatına istinadən xəbər verir ki, Nikosiya təmsilçisi matça bilet satışının aşağı səviyyədə olmasından narahatdır.

Klubun mətbuat xidmətinin rəhbəri Nektarios Petevinos "Super-SportFM"ə açıqlamasında Ağdam klubu ilə oyuna 2 gün qalmasına baxmayaraq, cəmi 8800 bilet satıldığını deyib:

"Belə bir oyuna maraq göstərməyənlər APOEL azarkeşi olduqlarını söyləyə bilməzlər. Xüsusən də, final xarakterli oyundan danışırıqsa. Onlar komandamızın Avropa Liqasında 1/16 final mərhələsinə vəsiqə qazanmasına maraq göstərmirlərsə, başqa nə deyəcəyimi bilmirəm. Dolu tribunalar önündə, güclü azarkeş dəstəyi altında oynamağımızı çox istəyirəm. Çünki bizim indi buna ehtiyacımız var. Görünür, yuxudadılar, mübarizənin mənasını anlamırlar. Komanda bütün gücünü meydanda qoymağı vəd edir".

Qeyd edək ki, noyabrın 7-də keçiriləcək APOEL - "Qarabağ" matçı Bakı vaxtı ilə saat 21:55-də başlayacaq.

 


Etiketlər:  Qarabağla final xarakterli oyunun mənasını anlamırlar APOEL rəsmisi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ