Ermənistana ayrılan 20 milyon hara gedəcək? - VİDEO

Tarix: 24 Noyabr 2023 11:36

Deyəsən, Fransa yoxsulluğu tam aradan qaldırıb, həmkarlar təşkilatları fasiləsiz etiraz aksiyaları keçirmirlər, "sarı jiletlilər" pulda üzür, cinayət ancaq kinoda qalıb, fransalılar bəxtəvər və şad-xürrəmdir.

Sonxeber.net xəbər verir ki, Fransa Senatının Maliyyə Komitəsinin sədr müavini Emmanuel Kapus tribunadan çıxış edərək, Parisin ilin sonuna kimi qarşısına qoyduğu məqsədlərdən danışır - o cümlədən Ukraynaya dəstək, hərbi büdcənin artırılması və diqqət - "Ermənistandakı qaçqınlar üçün" 20 milyon avro ayrılır.

Bəs yaxşı, Fransa indiyədək azərbaycanlı qaçqınlara və məcburi köçkünlərə yardımlar məqsədilə Bakıya nə qədər pul ayırmışdı? Cavab sadədir - əsla, heç zaman.

Daha maraqlısı budur ki, Paşinyana ayrılan bu 20 milyon əslində hara gedəcək? Əgər minlərlə qarabağlı erməni Ermənistanı tərk edərək Rusiya Federasiyasına və Avropaya gedirsə, orada hansı "qaçqınlar" var?

Paris "qaçqınlara yardım" adı altında sadəcə olaraq Paşinyan hakimiyyətinə tam dəstəyi daha da gücləndirir. Zirehli maşınlar, hərbi müşavirlər, pullar - və bundan sonra fransızların cəsarəti var ki, "Bakı müharibəyə hazırlaşır" yalanını söyləyir?