Aktual mövzular: Dollar alış-satışı, Neftin qiyməti, COP29, Hava proqnozu

SEPAH-ın hərbi maşını partladıldı: ölənlər var

SEPAH-ın hərbi maşını partladıldı: ölənlər var

Tarix: 24 Noyabr 2023 18:34

Sistan və Bəlucistan əyalətinin Zahidan-Xaş şəhərləri arasında SEPAH-a məxsus hərbi avtomobil partladılıb.

Sonxeber.net axar.az-a istinadən bildirir ki, bu barədə Bəluc Fəallarının Kampaniyası məlumat yayıb.

Bildirilib ki, maşın yolda quraşdırılmış bomba nəticəsində partlayıb.

Məlumata görə, partlayış nəticəsində 4 SEPAH üzvü öldürülüb, 3-ü yaralanıb.

Sistan və Bəlucistan əyalətinin polis rəisi Dostəli Cəlilian mediaya açıqlamasında yola quraşdırılmış bomba ilə yanaşı, SEPAH avtomobilinə bir neçə tərəfdən silahlı hücum edildiyini deyib.

O, bombanın partlaması və silahlı qarşıdurma zamanı heç bir ölüm halının qeydə alınmadığını bildirib.

Hücumçular hadisə yerindən qaçmağa nail olublar.

Bəlucların "Ənsar əl-Furqan" silahlı təşkilatı məsuliyyəti öz üzərinə götürüb.


Etiketlər:  SEPAH hərbi maşını partladıldı ölənlər


RƏYLƏR



Populyar Xəbərlər

XƏBƏR LENTİ