Aktual mövzular: Dollar alış-satışı, Məzənnə, Neftin qiyməti

Alimlərdən dəhşətli XƏBƏRDARLIQ

Alimlərdən dəhşətli XƏBƏRDARLIQ

Tarix: 7 Dekabr 2023 00:12

Alimlər Günəşin səthində qaranlıq bir dəliyin açıldığını və radiasiya cərəyanlarının geomaqnit qasırğaları ilə Yerə sürətlə yayıldığını bildiriblər.

Milli.Az baku.ws-ə istinadən xəbər verir ki, bildirilənlərə görə, Günəşin səthində qaranlıq bir dəlik açılıb. Günəş küləyi kimi tanınan qeyri-adi sürətli radiasiyanın güclü axınlarını Yerə doğru püskürtməsi qeydə alınıb.

Alimlər bildiriblər ki, 60 Yerdən böyük olan keçici qara dəliyin ölçüsü və istiqaməti Günəş dövrünün bu mərhələsində misilsizdir.

Tac dəliyi kimi tanınan nəhəng qaranlıq dəlik dekabrın 2-də Günəşin ekvatoru yaxınlığında əmələ gəlib və 24 saat ərzində maksimum eni təxminən 800.000 kilometrə çatıb. Bildirilib ki, Günəşdə açılan qara dəlik dekabrın 4-dən birbaşa Yerə doğru yönəlib.

Milli Okean və Atmosfer Administrasiyasının (NOAA) məlumatına görə, tac dəlikləri günəşi yerində saxlayan maqnit sahələri qəfildən açıldığı zaman meydana gəlir ki, bu da günəşin yuxarı səthinin məzmununun günəş küləyi şəklində uzaqlaşmasına səbəb olur.

Mütəxəssislər əvvəlcə bu dəliyin radio və internet bağlantılarını sıradan çıxara və növbəti bir neçə gün ərzində güclü auroral şoulara səbəb ola biləcək mülayim geomaqnit qasırğasına səbəb ola biləcəyini proqnozlaşdırdılar.

Lakin yaranan fırtına indiyədək zəif olub, çünki günəş küləyi gözləniləndən daha az intensiv olub. NOAA-ya görə, qara dəliyin günəşdə nə qədər qalacağı bəlli deyil, lakin keçmiş tac dəlikləri 27 gün davam edib.

Milli.Az


Etiketlər:  Alimlərdən dəhşətli XƏBƏRDARLIQ


RƏYLƏR

OXŞAR XƏBƏRLƏR



Populyar Xəbərlər

XƏBƏR LENTİ