Aktual mövzular: Dollar alış-satışı, Neftin qiyməti, COP29, Hava proqnozu

SOCAR Bakı Neft Emalı Zavodunun modernləşdirilməsi layihəsi barədə

SOCAR Bakı Neft Emalı Zavodunun modernləşdirilməsi layihəsi barədə

Tarix: 6 May 2019 10:42

Bakı. Ləman Zeynalova - Trend:

Bu günədək Heydər Əliyev adına Bakı Neft Emalı Zavodunun (BNEZ) modernləşdirilməsi layihəsinin 30 faizi icra olunub.

Bunu Trend-ə SOCAR-ın ictimaiyyətlə əlaqələr və tədbirlərin təşkili idarəsinin rəis müavini İbrahim Əhmədov deyib.

O qeyd edib ki, 2019-cu il martın sonunadək layihə üzrə 500 milyon dollardan çox ödənişlər edilib:

“Ümumilikdə, indi detallı layihələndirmə, satınalma, avadanlıq və materialların BNEZ-in ərazisinə tədarükü üzrə işlər davam etdirilir. Bundan başqa, tikinti işləri də gedir. BNEZ-in rekonstruksiyası və modernləşdirilməsinin birinci mərhələsi ötən ilin dekabrında, Prezident İlham Əliyevin iştirakı ilə yeni bitum qurğusunun açılışı olarkən başa çatmışdı. Birinci mərhələ çərçivəsində həmçinin yeni mayeləşdirilmiş qaz terminalı istifadəyə verilmişdi”.

Qeyd edək ki, hazırda Heydər Əliyev adına Bakı Neft Emalı Zavodunun modernləşdirilməsi davam etdirilir. Bu proses 2021-ci ildə başa çatacaq.

Trend-in ən mühüm və maraqlı xəbərlərini "Telegram"da izləyin


Etiketlər:  SOCAR Bakı Neft Emalı Zavodunun modernləşdirilməsi layihəsi barədə


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ