Aktual mövzular: Dollar alış-satışı, Məzənnə, Neftin qiyməti

İrəvan hava limanında sərnişinin çantasından bir milyon dollar çıxdı - FOTO

Tarix: 16 Dekabr 2023 11:14

Ermənistanda külli miqdarda pulun respublika sərhədindən qaçaqmalçılıq yolu ilə keçirilməsi faktı müəyyən edilib.

Milli.Az oxu.az-a istinadən xənər verir ki, ölkə mediasının xəbərinə görə, bu barədə Respublika Dövlət Gəlirləri Komitəsinin mətbuat xidməti məlumat yayıb.

Məlumata əsasən, qurumun və Qərb Gömrük İdarəsinin əməkdaşları Zvartnots hava limanının sərnişin kompleksinin gömrük nəzarəti zonasında Milan reysi ilə ölkəyə gələn Ermənistan və Rusiya vətəndaşı V.A-ya məxsus baqaja baxış keçirib.

Gömrük nəzarəti nəticəsində şəxsi əşyalarla yanaşı, bəyan edilməmiş bir milyon ABŞ dolları məbləğində nağd pul aşkar edilib.
Faktla bağlı protokol tərtib edilib. Sənəd digər materiallarla birlikdə Ermənistanın İstintaq Komitəsinə göndərilib.

Milli.Az